Референдум күні 10 402 учаске жұмыс істейді

Бұл жөнінде ҚР Орталық сайлау комиссиясының Төрағасы Нұрлан Әбдіров мәлімдеді.

Науқан барысын 38 ел мен 11 халықаралық ұйымнан келген 359 байқаушы бақылайды. Учаскелік комиссия мүшелерін оқыту жоспарға сай жүргізіліп жатыр. Өңірлердегі референдум учаскелері де толық дайын. Әсіресе мүгедектігі бар азаматтардың дауыс беруіне қолайлы жағдай жасалған. Әлемдегі тұрақсыздыққа байланысты 10 елдегі дауыс беру учаскесі уақытша жабылды. Қазіргі таңда 54 елде 71 учаске жұмыс істейді. Дауыс беру парақтарын жеткізу жұмыстары да жалғасуда.

Материалды әзірлеген Аида РАХЫМҚҰЛОВА