Ресми

«Әр дауыс – маңызды»

Қарағандының Оңтүстік-шығысындағы №81 учаскелік сайлау комиссиясының мүшелері таңғы сағат алтыға таман учаскеде жиналды. Тәртіпке сәйкес, комиссия мүшелері, байқаушылар мен сенімді өкілдер таныстырылды. Бюллетеньдер таратылып, учаскедегі жұмыс реті тағы бір мәрте пысықталды. Сағат 7.00-де Әнұран шырқалып, дауыс беру басталды.


Учаскеде 2558 дауыс беруші тіркеуде тұр.

– Учаске ашылған сәттен тұрғындар белсенділік танытуда. Сағат 8.00-де дауыс бергендер саны 130-ды межеледі. Түске қарай халық қарасы көбейеді деп ойлаймын, – дейді учаскелік сайлау комиссиясының төрағасы Наталья Чернушенко.

Халық тарапынан бұл сайлауға қызығушылық ерекше екені белгілі.

– Мен мекенжайым бойынша дауыс беруге Астанадан арнайы келдім. Ел болашағына бей-жай қарамау керек деп ойлаймын. Әр дауыс маңызды, – дейді Денис Прокопенко.

Бұл жерде «Ауыл», AMANAT, «Байтақ», Respublika, ҚХП партияларының байқаушылары мен кандидаттардың сенімді өкілдері бақылау жүргізуде.

Нұрқанат ҚАНАПИЯ,

Ortalyq.kz

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button