Приозерск қаласында ерекше рекорд орнатылды

Приозерск қаласында жаңа қазақстандық рекорд орнатылды. Тәуелсіздік күніне орай Приозерск қаласындағы «Балқаш» шипажайы мен жергілікті дәмхана қызметкерлері ұзындығы 36 метрлік хот-дог әзірледі.

Оны жасау үшін 27 келі ұн, 15 келі тауық еті, 15 келі ірімшік, 14 литр маринадталған қияр және басқа да көптеген отандық ингредиенттер қажет болған. Қазақстанның рекордтар кітабына енген бұл көрсеткіш 9 адамнан тұратын ұжымның еңбегі екенін айта кеткіміз келеді.

Ілияс ДҮНГЕНБАЙҰЛЫ.