Бас тақырып
Президенттің Олимпиада жүлдегерлерімен кездесуі кейінге шегерілді
Мемлекет басшысы Қасым-Жомарт Тоқаевтың Қазақстан Олимпиада құрамасының медаль иегерлерімен кездесуі кейінге қалдырылды. Бұл туралы Мемлекет басшысының кеңесші-баспасөз хатшысы Берік Уәли мәлімдеді.
Бұған дейін Президент Париж олимпиадасының жүлдегерлері мен жаттықтырушылар құрамын мемлекеттік наградалармен марапаттау туралы Жарлыққа қол қойған болатын.
– Қасым-Жомарт Кемелұлы сол күні олармен кездеседі деп жоспарланған болатын. Өкінішке қарай, спортшылар мен жаттықтырушылардың жартысында COVID-19 вирусы анықталды, бұл кездесуді кейінге қалдыруға мәжбүр болдық. Барлығына тезірек сауығып кетуін тілейміз. Кездесу міндетті түрде тамыздың соңында Ақордада өтеді деп жоспарланып отыр, – деді Берік Уәли.
Материалды әзірлеген Аида РАХЫМҚҰЛОВА
