Президент: Қоғамға қызмет – мәртебелі парыз

Қоғамның игілігі үшін еңбек ету – жай ғана міндет емес, бұл әрбір азаматтың азаматтық ұстанымы мен жауапкершілігін айқындайтын мәртебелі парыз. Мемлекеттің дамуы ең алдымен адам капиталына, адал еңбек пен әділ қызметке байланысты. Бұл жайлы Мемлекет  басшысы «Turkistan» газетіне берген сұхбатында атап өтті.

Соңғы 5 жылда Қазақстанда әлеуметтік салаға бөлінетін қаржы көлемі 2,3 есе артты. 2025 жылы білім, денсаулық сақтау және әлеуметтік қолдау салаларына республикалық бюджеттен 9 трлн теңгеден астам қаражат бағытталды. Бұл – қоғам игілігіне қызмет етудің нақты көрінісі.

Мемлекеттік қызметшілер саны бүгінде 90 мыңнан асады, олардың 55%-ы – 40 жасқа дейінгі жастар. Ал цифрландыру нәтижесінде халыққа көрсетілетін қызметтердің 92%-ы онлайн форматқа көшті. Бұл уақытты үнемдеуге және ашықтықты арттыруға мүмкіндік берді.

Қоғамға адал қызмет ету – сөзбен емес, іспен дәлелденетін құндылық. Әрбір қабылданған шешім, әрбір жасалған реформа халықтың әл-ауқатын жақсартуға бағытталуы тиіс. 

Аяулым СОВЕТ
Ortalyq.kz