Полиция ардагерінің құрметіне мемориалдық тақта орнатылды

Қарағанды қаласында полиция ардагері, милиция полковнигі Досбек Адамбековтің құрметіне мемориалдық тақта орнатылды. Оның салтанатты ашылу рәсіміне  облыстық ПД басшылығы, әкімдік өкілдері, ІІО арагерлері және Адамбековтер әулеті қатысты.

Досбек Көпбайұлы Адамбеков 1962 жылы ішкі істер органдарына жұмысқа орналасқан. Сол күннен бастап осы салада 32 жыл еңбек етіпті. Еңбек жолын қатардағы милиционер лауазымында бастаған азамат полковник шеніне дейін көтеріліп, көптеген атақтар мен құрметке ие болған.