Поездар кешігіп келуде

Бүгінде межелі жерге поездың өз уақытынан бірнеше минутқа, тіпті, сағатқа кешігіп келетіні жолаушыларға қолайсыздық келтіруде. Осы мәселенің алдын-алу үшін «Жолаушылар тасымалы» АҚ басшылығы тиісті жұмыстар жүргізіп, мәселені өз бақылауына алған. Ал, басшылық поездың кешігіп келуінің бірнеше себептері барын айтты, деп хабарлайды Оrtalyq.kz ҚазАқпарат сайтына сілтеме жасап.

– Пойыздардың уақтылы келмеуінің бірнеше себептері бар. Ең алдымен, ауа-райының қолайсыздығы. Екіншіден, поезд теміржол учаскелерінің бойында орналасқан елді-мекендерге тоқтайды. Тағы бір себеп, теміржолдағы жөндеу жұмыстары. Қауіпсіздікті қамтамасыз ету мақсатында жоспарлы жөндеу жұмыстары жүргізілуде, – деді «Жолаушылар тасымалы» АҚ Бас директоры Жәнібек Тайжанов.