Павлодарлық суретшілердің туындылары – қарағандылықтар назарында

Облыстық бейнелеу өнері музейінде павлодарлық суретшілердің «Ертіс даласы» көрмесі ашылды. Мұнда Н.Нұрмұхаммедов атындағы көркемсурет мұражайы қорындағы 22 автордың 134 картинасын алып келген.

– Жұмыстарды бір айдың ішінде таңдадық. Әрине, бұл бізге оңайға соқпады. Барынша туған жерге, ұшы-қиыры жоқ дала, Ертіс өзені, жалпы туған өлкенің сұлулын көрсеткіміз келді. Павлодарлық суретшілердің туындылары қарағандылықтар үшін қызық болады деген сенімдемін, – деді Н.Нұрмұхаммедов атындағы мұражай директоры Ақертіс Солтанбаев.

Облыстық бейнелеу өнері мұражайында «Мұражайлар бізге қонаққа келеді» жобасы өткізілуде. Сол жоба аясында павлодарлық суретшілердің туындылары қарағандылықтардың назарына ұсынылуда.

Ербол ЕРБОЛАТ,
Ortalyq.kz