Отандастарымыз әуесқойлар арасында Әлем чемпиондары атанды

Әуесқой футболдан Қазақстан құрамасы Германияда 6х6 форматындағы шағын футболдан өткен Socca Әлем чемпионатында жеңіске жетті.

Қазақстандықтар, финалға дейін Молдова құрамасын – 3:1, Кипрді – 2:1 есебімен жеңді. Ал, АҚШ құрамасымен ойынның негізгі минутында 1:1 есебімен тең түсті. Пенальти сериясында отандастарымыз 2:1 есебімен қарсыластарын жолда қалдырды. Мексика құрамасымен де 2:2 есебімен тең ойнап, пенальти сериясында 5:4 есебімен жеңісті қолдан жұлып алды.

Ақтық кезеңде Украина спортшыларымен кездесіп, ойынның негізгі минуты 2:2 есебімен аяқталды. Матчтан кейінгі буллит сериясын отандастарымыз қарсыластарынан басым түсіп, 2:1 есебімен жеңіске жетті.

Осылайша отандастарымыз 6х6 форматындағы шағын футболдан өткен Әлем чемпионатында тұңғыш рет алтын жүлдеге қол жеткізді.

Ербол ЕРБОЛАТ,
Ortalyq.kz