Қоржында сегіз медаль
Каратэ спортынан «WKF Kazakhstan open 2023» халықаралық турнирі Астана шаһарында өтті. Қырғызстан, Өзбекстан, Франция, Ресей және Қазақстанның 650-ден астам каратэшісі медальдарды сарапқа салды. Кеншілер астанасынан 22 каратэ шебері бағын сынады.
Мығым дайындықпен барған жерлестеріміз мінез танытып, шеберлігін байқатты. Тартысқа толы болған турнирден сегіз медаль жеңіп алды.
Атап айтсақ, 42 келі салмақта 12-13 жас санатында Николетта Дегтярева II орынды, 14-15 жас санатында Алина Амангельдиева (54 келі) мен Станислав Сухоруков (70 келі) III орынды, 18-21 жаста Никита Тарнакин (84 келі) I орынды, ал, Жәнібек Амангельдиев III орынды иеленді. Осы жас санатында 55 келі салмақта Валерия Рудаковаға, 68 келіде Дарья Терешинаға III орын бұйырса, 18 жастан жоғары санаттағы 84 келіде Никита Тарнакин II орынды місе тұтты.
Аида РАХЫМҚҰЛОВА,
ortalyq.kz
