Орталық саябақта үлкен кеменің құрылысы басталды

Қарағандыдағы орталық саябақта үлкен кеменің құрылысы жүріп жатыр. Яғни, жаңа жылға дайындық басталуда. Әзірге тек кеменің қаңқасы ғана дайын. Бұл туралы Мәдениет және демалыс саябақтары басқармасының баспасөз қызметі мәлімдеді.

Басқарма мамандарының сөзіне сүйенсек, алдағы уақытта биіктігі 11 метрге дейін жететін желкен жасалады. Құрылыс жұмыстары аяқталған соң желкенді диодты шамдармен безендірмек. Жағалау маңында орналасқан кеменің үлкен фотоаймақ аллеясы болатынын айтты. Алайда, тек кеме емес, басқа да тосынсыйлардың барын хабарлады.

Әзірге тек кеменің фотосуреттерін ғана жариялап, шағын мәлімдеме жасады.

Ербол ЕРБОЛАТ,
Ortalyq.kz