Футболдан Қазақстан құрамасы сенсациялық жеңіске жетті

Футболдан Қазақстан құрамасы ЕУРО-2024 іріктеу матчында сырт алаңда Солтүстік Ирландия командасын 0:1 есебімен жеңді.

Кездесу Белфасттың Виндзор Парк стадионында өтті. Ойынның 80-ші минутына дейін қос команда тарапынан қақпаға бағытталған қауіпті соққылар тіркелмеді.

81-ші минутта алаңға тыңнан қосылған отандасымыз Абат Айымбетов кездесудің 88-ші минутында қарсыластың бірнеше ойыншысын алдап өтіп, жеңіс голын соқты. Жалғыз голдың арқасында ұлттық құрама команданың қоржынына 9 ұпай түсті. Қазір Н тобында Финляндиядан кейін екінші сатыға жайғасты.

Естеріңізге сала кетейік, отандастарымыз бұған дейін тек Словенияға ғана есе жіберді. Данияны – 3:2, Сан-Мариноны – 0:3 есебімен жеңген болатын.

Енді қыркүйекте Финляндия және Солтүстік Ирландия құрамаларымен кездеседі.

Ербол ЕРБОЛАТ,

ortalyq.kz