Облыста әкесінің пәтерінде қарасора өсірген тұрғын анықталды
Қарағанды облысында полицейлер 70 жастағы зейнеткердің пәтерінен заңсыз қарасора өсірілген орынды әшкереледі. Тінту барысында үй жағдайында арнайы жабдықтармен күтіп-бапталған бұталар табылды. Алдын ала мәліметтерге сәйкес, өсімдіктер зейнеткердің 33 жастағы ұлына тиесілі деп хабарлайды Ortalyq.kz тілшісі polisia.kz- ке сілтеме жасап.
Күдікті қарасорды күзде тұқымнан өсіріп, әкесінің пәтерінде шағын жылыжай ұйымдастырғанын мойындады. Полицейлер қарасора өсірілген құмыралар мен микроклиматты қамтамасыз ететін құрал-жабдықтарды, сондай-ақ кептірілген өсімдіктерді тәркіледі.
Қазір күдіктінің әрекеті бойынша қылмыстық іс қозғалып, медициналық емес мақсатта есірткі тұтынғанын анықтау үшін сараптама тағайындалды. Тергеу амалдары жалғасуда.
Материаалды әзірлеген Аяулым СОВЕТ
