Ресми

Облыста 3 мыңнан астам бейнебақылау камералары орнатылған

Қарағанды облысының мониторингтік топтарына енді көшедегі бейнебақылау камералары көмектеседі. Олар дәмханалар мен мейрамханалардың, моншалар мен сауналардың жұмысын қадағалайды. Құқық бұзушылықтың алдын алу үшін камералар «Қауіпсіз қала» бағдарламасы аясында орнатылды.

Олар енді полицияға ғана емес, мониторинг топтарына да пайдасын тигізуде. – Біз өткен жылдың шілде айынан бері жұмыс істеп келеміз. Бақылауды нақты уақыт режимінде бірнеше қалада – Қарағанды, Теміртау, Жезқазған, Балқаш, Сәтбаев қалаларында және Осакаровка кентінде жүзеге асырамыз, – дейді Қарағанды облысының жедел әрекет ету орталығының басшысы Қайрат Шорманбаев.

– Жаппай іс-шараны өткізу анықталған жағдайда мониторинг топтарына команда беріледі. 1 шілдеден бастап бүгінгі күнге дейін 250-ден астам шектеу шараларын бұзушылық анықталды. Оның ішінде 47 бұқаралық іс-шараның жолы кесілді. Адамдар жауапқа тартылды. Камералардағы суреттер Бірыңғай үйлестіру орталығына түседі. Мониторингпен орталық операторлары айналысады. – Біз күн сайын мониторинг жүргізіп отырамыз, – дейді оператор Нариман Тілеуқабылов.

— Тауардың түсірілуін және нысанда жұмыс жанданғанын көрген бойда, мұнда көп ұзамай қандай да бір мереке өткізуге болатынын түсінеміз. Келесі күні біз бұл мекемеге мұқият назар аударамыз. Машиналар көп жинала басталған кезде біз бақылау тобына хабарлаймыз. Камералар барлық жерде бола бермейді, сондықтан бизнес нысандарын мобильді топтармен айналып өту жалғасуда. 1 шілдеден бастап оның қызметкерлері облыс бойынша 20 мыңнан астам мекемені тексерді. Қарағанды облысында барлығы 3 мың бейнебақылау камерасы орнатылған.

Қарағанды облысының әкімдігі. 

Басқа материалдар

Back to top button