Облыс әкімнің жаңа орынбасары тағайындалды

Қарағанды облысы әкімінің орынбасары болып Теміртаудың экс-әкімі Ораз Таурбеков тағайындалды. Кадрлық өзгерістер туралы аймақ басшысы Ермағанбет Бөлекпаев аппараттық кеңесте хабарлады.

– Құсайын Ерлан Бейсембайұлы басқа жұмысқа ауысуына байланысты атқаратын қызметінен босатылды. ҚР Президенті Әкімшілігінің келісімі бойынша Таурбеков Ораз Қайсаұлы облыс әкімінің орынбасары болып тағайындалды, – деді Ермағанбет Бөлекпаев.

Ораз Таурбеков облыс әкімінің орынбасары лауазымында Денсаулық сақтау, жұмыспен қамту және еңбек қауіпсіздігі мәселелеріне жетекшілік ететін болады.