Облыс әкімі ардагер кеншілерді марапаттады

29.08.2025

Оқылды: 52

Қарағанды үшін Кеншілер күні ерекше мереке. Кеншілер мәдениет сарайында мерекеге орай салтанатты концерт өтті. Облыс әкімі Ермағанбет Бөлекпаев еңбек адамдарын кәсіби мерекесімен құттықтап, Қазақстан Республикасы Президентінің Жарлығымен өңіріміздің бірқатар кеншілерін мемлекеттік және ведомстволық наградалармен марапаттады.

Мерекелік концерт облыс әкімі Ермағанбет Бөлекпаевтың құттықтауымен басталды. Аймақ басшысы қастерлі мамандықтың ел үшін қаншалықты маңызды екенін атап өтті.

– Барлығыңызды шын жүректен Кеншілер күні мерекесімен құттықтаймын! Біздің өңіріміз үшін бұл ерекше мереке. Қарағандыны Қарағанды еткен ең алдымен біздің шахтерлер! Бүгінде кен саласының қызметкерлері еліміздің экономикасын одан әрі дамытуға зор үлес қосып келеді. Өндірісті өлкеміз шахтерлер мен металлургтердің ерен еңбектерінің арқасында мемлекетіміздің индустриалдық өңіріне айналды. Елімізде өндірілетін көмірдің үштен бір бөлігі біздің жерімізден шығады. Көптеген үлкен жобалар жүзеге асырылып жатыр. Шахталарда ғылымға негізделген озық технологиялар қолданылуда. Биыл облысымыздың кеншілері 4,2 миллион тонна көмір өндірді. Бұл өткен жылдың осы кезеңімен салыстырғанда 15%-ға артық. 2025 жылдың соңына дейін 7 миллион тоннаға жеткізу жоспарланған. Бұл – кеншілер еңбегінің, тәртіптің және жоғары кәсібиліктің нәтижесі. 2028 жылға дейін инвестиция көлемі 1,6 триллион теңгеден асады. Бұл – шамамен 3,5 миллиард АҚШ доллары. Соның 800 миллион доллары көмір департаментін дамытуға бағытталады. Президентіміз биылғы жылды «Жұмысшы мамандықтар жылы» деп жариялады. Бұл – сіздердің еңбектеріңізге берілген әділ баға және зор құрмет! – деді Ермағанбет Бөлекпаев.

Аймақ басшысы мерекелік концертке құрметті мейман ретінде шақырылған ардагер кеншілерге де алғысын білдірді. Сонымен қатар, «Qarmet» кәсіпорны бүгінде ол салада жетекші орын алатынын да атап өтті.

Құттықтау сөзден кейін көпшілік асыға күткен марапаттау рәсімі басталды. Қазақстан Республикасының «Құрмет» ордені «Qarmet» компаниясы «Абай» шахтасының тау-кен жұмысшысы Сергей Дудалевқа, «Qarmet» компаниясы «Спецшахтомонтаждегазация» басқармасының № 2 учаске бастығының көмекшісі Нұркен Нұрашевқа берілді. III дәрежелі «Еңбек даңқы» орденімен «Шұбаркөл Көмір», «Орталық» тау-кен жұмыстары учаскесі экскаватор машинисі Данияр Жакупов, «SatKomir» Тау-кен компаниясының басқарушы директоры Хафиз Жашибеков, «Sherubai Komir» жер қойнауын пайдалану департаментінің директоры Магсуд Ялымов, «Qarmet» көмір департаментінің Ленин атындағы шахтасының 5 разрядты өткізгіші Сергей Мирошниченко, «Qarmet» компаниясы, Т.Күзембаев атындағы шахтаның тау-кен жұмысшысы Марат Байдаров, «Qarmet» компаниясы сорғы қондырғыларының машинисі Валерий Миникаев, «Qarmet» компаниясы көмір департаменті «Восточная» фабрикасының слесары Сержан Хамзин марапатталды.

«Ерен еңбегі үшін» медалімен Майқұдық байыту фабрикасы директорының орынбасары Светлана Божиева, «Разрез» Кузнецкий» ЖШС-нің бас маркшейдері Елжас Билет, «КарагандаСервисПром» ЖШС-гі мердігерлік ұйымының учаске бастығы Алексей Сидорчев, «Шұбаркөл Премиум» АҚ-ның тау-кен жабдықтарын жөндеу механигі Хамит Мирзабеков, Киров шахтасының бұрғылау жұмыстарының жерасты учаскесінің бұрғылаушысы Анатолий Варганов, «Шұбаркөл Премиум» АҚ-ның технологиялық кешеннің МСУ, ДСК операторы Өміржан Қасымов, «Шұбаркөл Премиум» АҚ-ның жүк тиегіш жүргізушісі Рамазан Садықов, «СарыөзенКөмір» ЖШС-нің директоры Алексей Харьков, «Шұбаркөл Көмір» АҚ-ның автожөндеу цехында автомобильдерді жөндейтін Геннадий Тонких, «Шұбаркөл Премиум» АҚ-ның экскаватор машинисі Виктор Бразевич марапатталды.

Қазақстан Республикасы Парламенті Мәжіліснің депутаты Арман Қалықов «Құрметті кенші» төсбелгісімен марапатталады. І дәрежелі «Шахтер даңқы» медалімен «Qarmet» компаниясының көмір департаментіне қарасты Түсіп Күзембаев атындағы шахтаның №1-ші көмір өндіру учаскесінің тазарту кенжарының тау-кен жұмысшысы Алексей Голенковский, «Qarmet» компаниясы көмір департаментінің «Саран» шахтасы №1-ші учаскесінің жерасты электр слесарі Жұмағали Қапасов, «Qarmet» компаниясы көмір департаментінің «Шахтинская» шахтасының конвейерлік көлігінің жерасты учаскесінің электрослесары Сағат Тәуірбеков, «Qarmet» компаниясының көмір департаментінің «Тентек» шахтасы №1-ші дайындық жұмыстары учаскесінің жерасты үңгушісі Төлеген Нұрмұхамбет, «Qarmet» көмір департаментінің техникалық директоры Сергей Шуберский марапатталды.

ІІ дәрежелі «Шахтер даңқы» медалімен «Qarmet» компаниясы көмір департаментінің «Қазақстанская» шахтасының өткізгіші Вильгельм Вухрер, «Qarmet» көмір департаментінің «Шахтинская» шахтасының директоры Денис Дымов, «Qarmet» компаниясы көмір департаментінің Костенко атындағы шахтасының өткізгіші Хасен Ельчибаев, «Qarmet» компаниясы көмір департаменті Костенко атындағы шахта дайындық жұмыстары учаскесінің үңгушісі Дархан Есеев, «Qarmet» компаниясы көмір департаменті Түсіп Күзембаев атындағы шахтаның №2-ші көмір өндіру учаскесінің тазарту кенжарының тау-кен жұмысшысы Владимир Кондаков, «Qarmet» компаниясыны көмір департаментінің «Саран» шахтасының конвейерлік көлік учаскесінің бастығы Сергей Лапин, «Qarmet» компаниясы көмір департаментінің «Шахтинская» шахтасының №1-ші учаскесінің тазарту кенжарының тау-кен жұмысшысы Сергей Стяжкин марапатталды.

І дәрежелі «Еңбек даңқы» ордені «Qarmet» компаниясының көмір департаменті Қарағанды көмір тиеу-көлік басқармасының сигнал беру, байланыс және энергия шаруашылығы қызметінің аға электромеханигі Марина Гречановаға берілді.

«Еңбек ардагері» медалі «Qarmet» компаниясы көмір департаментінің «Абай» шахтасының жерасты электрослесары Сергей Маурерге, «Qarmet» көмір департаментінің «Восточная» орталық байыту фабрикасының байыту цехының механигі Олег Переверзев, «Qarmet» компаниясы көмір департаменті Түсіп Күзембаев атындағы шахтаның директоры Сергей Потемкинге берілді.

Көмір өнеркәсібін дамытуға қосқан ерекше үлесі, жоғары кәсібилігі, адал еңбегі үшін және Кеншілер күнінің кәсіби мерекесіне орай «Qarmet» компаниясының «Құрметті кенші» төсбелгісі де берілді. Көмір департаментінің өндіріс жөніндегі директоры Төлеген Шаяхметов пен Түсіп Күзембаев атындағы шахтаның №2-ші дайындық жұмыстары учаскесінің тау-кен қазу машиналарының машинисі Максим Агренич және «Саранская» шахтасының директоры Сергей Бамиллер марапатқа лайық болды. Сонымен қатар, «Шахтинск» шахтасының № 2-ші дайындық жұмыстары учаскесінің тау кен машиналарының машинисі Бақтыбай Ағайдаров, «Қазақстанкая» шахтасының директоры Владимир Шнель, «Восточная» орталық байыту фабрикасын байыту және брикеттеу қондырғыларының машинисі Наталья Ротфус, технологиялық көлік басқармасының тиегіш жүргізушісі Еркін Балабеков, Ленин шахтасының директоры Валерий Хан, «Арнайы Шахтомонтажегазация» басқармасының бастығы Игорь Литвинов, «Абай» шахтасының №2-ші учаскесінің тазарту кенжарының тау-кен жұмысшысы Иван Эйхельберг, Қарағанды жүк-көлік басқармасының бастығы Александр Мануйленко, Костенко атындағы шахтаның ДЖУ-1 учаскесінің үңгушісі Нұрболат Жұмабаев марапатталды.