Облыс әкімі ҚР еңбек сіңірген жаттықтырушысы Анатолий Степаненконы мерейтойымен құттықтады
Қазақстанның еңбек сіңірген жаттықтырушысы, Қарағанды облысының Құрметті азаматы Анатолий Степаненко 75 жасқа толды. Облыс әкімдігінде спорт ардагерін мерейтойымен құттықтады.
Ермағанбет Бөлекпаев Анатолий Степаненконың спортты дамытуға және насихаттауға қосқан зор үлесін атап өтті.
– Сіздің арқаңызда біздің спортшылар қазақстандық спорттың мақтанышына айналды, ал жаттықтырушылар жаңа чемпиондарды тәрбиелеуде. Сіздің өмір жолыңыз өте бай: чемпион, рекордшы, жаттықтырушы, көшбасшысыз. Сізге зор денсаулық, амандық және сарқылмас өмірлік қуат тілеймін, – деді өңір басшысы.
Анатолий Степаненко Қарағанды облысында бірінші болып КСРО спорт шебері және велоспорттан халықаралық дәрежедегі спорт шебері болды. 1970 жылы әлем чемпионатының жүлдегері. 1972 жылғы Олимпиада ойындарына қатысқан ҚазКСР-дың жалғыз веложарысшысы. 28 жасында “ҚазКСР еңбек сіңірген жаттықтырушысы” атағын алды. Спорттық мансабын аяқтағаннан кейін жаттықтырушы болып жұмыс істеді, облыстық дене шынықтыру және спорт комитетін басқарды.
Александр Степаненкоға оның достары да жылы лебіздерін білдірді.
– Бұл өте қарапайым, әдепті және адал адам. Керемет еңбекқор жан. Ол шынымен де мақтауға лайықты, жақсы спортшыларды дайындайды. Шын жүректен құттықтаймын, сау бол! – деп тіледі мерейтой иесіне Қарағанды облысының Құрметті азаматы Григорий Презент.
1994 жылы Александр Степаненко аймақтағы алғашқы “Олимпиадалық резерв” жеке спорт мектебі-клубының директоры болды. Ол оқу орнын сақтап қана қоймай, оған жаңа өмір сыйлады. Ал бүгін Александр Степаненко күн сайын жұмысқа асығады, оны күтеді, оған сенеді.
– Менің еңбегімді жоғары бағалағандарыңыз үшін, облыс басшылығының назарына алғысымды білдіремін. Менің бүкіл өмірім спортпен байланысты. Мен әрқашан алда болуға тырыстым. Бала кезімнен Қазақстан чемпионы болуды армандадым. Мен өз арманымды бірнеше рет орындадым, – дейді мерейтой иесі.
Материалды әзірлеген Аида РАХЫМҚҰЛОВА
