Оқушылар көктемгі каникулда қанша күн демалады?

ІІІ тоқсанның аяқталуына бір апта қалды. Оқу-ағарту министрлігі каникулдар кестесіне сәйкес, көктемгі каникулды 21 наурыз бен 31 наурыз (қоса алғанда) аралығына бекітті. Яғни, көктемгі демалыс 11 күнге созылады, деп хабарлайды Ortalyq.kz informburo.kz сайтына сілтеме жасап.

IV оқу тоқсаны 1 сәуір – дүйсенбі күні басталады. IV тоқсан 8 оқу аптасын құрайды.

Еске салайық, 2024 жылдың наурыз айында қазақстандықтар 14 күн демалады. 21-23 наурыз – Наурыз мейрамы. 23 наурыз сенбіге сәйкес келеді. Сондықтан демалыс күні 25 наурызға ауыстырылды. Сәйкесінше, Наурыз мерекесінде қазақстандықтар 5 күн қатарынан демалады.

Биыл оқу жылының соңғы күні – 25 мамыр. Мектеп оқушылар 26 мамырдан бастап үш айға созылатын жазғы каникулға шығады.

Материалды әзірлеген Ербол ЕРБОЛАТ.