Оқушы қыздың ұялы телефонын тартып алған бір топ жасөспірім ұсталды

Қарағанды қалалық орталық полиция басқармасының қызметкерлері қарақшылық шабуыл жасады деген күдікпен 16-17 жас аралығындағы бір топ жасөспірімді ұстады.

Күдіктілер сабаққа бара жатқан 11 жастағы оқушы қыздың ұялы телефонын тартып алып, қылмыс орнынан бой тасалаған. Жасөспірімдер дереу ұсталып, олардан айғақты заттар алынды. Қазіргі таңда қылмыстық іс қозғалып, тергеу амалдары жүргізілуде.

Ілияс ДҮНГЕНБАЙҰЛЫ.