Нариман Құрбанов – Әлем кубогының жеңімпазы

Париж Олимпиадасының күміс жүлдегері қарағандылық Нариман Құрбанов өзінің бірінші ресми жарысында тұтқалы ат снаряды жаттығуында чемпион атанды. Ол 14,634 ұпай жинады.

Бұл ретте, спорттық гимнастикадан Түркияның Анталья қаласында өтіп жатқан әлем кубогының үшінші кезеңінде қоржынымызға екі бірдей жүлде түсті.

Алтынды Париж Олимпиадасының күміс жүлдегері Нариман Құрбанов қанжығаласа, күміс жүлдені қазақстандық Зейнолла Ыдырысов жеңіп алды. Қоланы Иорданиялық Әлем чемпионатының екі мәрте жүлдегері Ахмад Әбу әл-Сауд иеленді.

Аида РАХЫМҚҰЛОВА