«Құнанбайдың Қарқаралыда әйелдері Ұлжан, Айғыз, бала-шағасымен тұрып жатқан жеке меншік үйі болған»
Жарғы ережесі, Гусевтің мәлімдемесі Құнанбайдың Қарқаралыда әйелдері Ұлжан, Айғыз, бала-шағасымен тұрып жатқан жеке меншік үйі болғанын растайды. Жаңағы деректер негізінде Абайдың балалық шағы 1850 жылдан бастап, Қарқаралы округтік приказында өтті деуге болар.
Әке Құнанбай бала шәкірт Абайды 1850 жылдан бастап әкімшілік ісіне үйрете бастағанын көреміз. 1858 жылы Семейдің медресесінен ауылына оралған Абай әкесі Құнанбайдың қарамағында бала жігіт қызметін атқарады. Ертедегі «бала шәкірт», «бала жігіт» терминдерінің мән-мағынасы билік ету, басшы болу ісіне оқыту, үйретуге арналған қазақтың құқықтық мектебі болғандығын бекітеді.
Марат АЗБАНБАЙ
Автордың «Қарқаралының көне тарихы Архив құжаттары байырғы заң мəтіндерімен салыстырылуы тиіс» атты мақаласынан.
