Нұра өзенінде суға батқан қызды іздеу жұмыстары жалғасуда

29 маусымда Бұқар жырау ауданы Нұра өзенінде екі қыз бала суға кеткені жайлы жазып едік. Бүгінде 2011 жылы туған қыздың денесін жергілікті тұрғындар тауып алған. Ал, екіншісінікі әлі іздестірілуде.

Іздестіру жұмыстарын облыстық төтенше жағдайлар департаменті мен жергілікті полиция қызметкерлері, туыстары мен ауыл тұрғындары жүргізіп жатыр.

Департамент басшылығы суға түсу маусымында қауіпсіздік ережелерін қатаң сақтауға шақырады.

– Жүзу білмесеңіздер, беліңізден жоғары суға түспеңіздер. Балаларды қараусыз қалдырмау қажет және мас күйде суға түсуге тыйым салынады. Әрі жағадан алыс жүзбеу қажет. Жүзуге тыйым салынған, ескерту белгілері қойылған жерге түсуге қатаң тыйым салынады, – деді мамандар.

Ербол ЕРБОЛАТ,
Ortalyq.kz