Нұра ауданында дәрігерлерге арналған жаңа үй пайдалануға берілді

Нұра ауданында дәрігерлерге арналған екі қабатты үйдің құрылысы аяқталып, 14 пәтер аудандық аурухана қызметкерлері мен «Дипломмен – ауылға!» бағдарламасы бойынша келген жас мамандарға табысталды, деп хабарлайды Ortalyq.kz облыс әкімдігіне сілтеме жасап. 

Пәтерлер жөнделіп, жиһазбен жабдықталған. Үй орталықтандырылған жылыту және барлық коммуналдық жүйелерге қосылған. Аудан әкімі Бақытжан Мұқановтың айтуынша, бұл жоба – медициналық қызметкерлерді қолдаудың нақты нәтижесі.

Материалды әзірлеген Аяулым СОВЕТ