Жаңалықтар

«Нұр Әлем» нысаны – елдіктің нышаны

    Осы сенбіде Астанадағы «ЭКСПО – 2017» Халықаралық көрмесі ашылады. Небары төрт күннен кейін…

Жоспарға сүйенсек, бүгінгі күннің басты тақырыбына ай­налған іс-шараның ауқымы кең. Көрме алаңындағы басты нысан – «Нұр Әлем» ұлттық павильоны. Ел аузында «шар тә­різдес нысан» аталып кеткен…

Бұл – «ЭКСПО – 2017» Көрме кешенінің орталық нысаны, архитектуралық нышаны. Диаметрі 80 метрді, биіктігі 100 метрді құрайтын сфералық ғимараттың әлемде теңдесі жоқ. Келушілер Қазақстанның тарихы, мәдениеті, салт-дәстүрі, көрікті жерлері, сонымен қатар, елдің жетістіктерімен осы жерде танысады. Яғни, 1-қабатында Қазақстанның павильоны орналасады. Сфераның өзінде Болашақ мұражайы жайғаспақ. Жай мұражай емес, ерекше мұражай. Ол Көрме өткеннен кейін өз бетінше инновациялық хаб әрі манызды зерттеу және мәдени орталыққа айналуы тиіс. Мұражайда ғарыш, күн, биомасса, жел, су және кинетика сияқты қуат көздерінің негізгі түрлері көрсетіледі. 2-8 қабаттарда орналасқан экспозициялық кеңістіктерді қабылдау мүмкіндігі сандық, мультимедиялық және интерактивті технологиялар арқасында ны­ғая түседі. Ғимарат үстіндегі шолу алаңына лифт арқылы көтеріліп, бүкіл «ЭКСПО» ауданына ашылатын әдемі көріністі тамашалай аласыз.

Құрылымның қасбетінде күн энергиясын электр қуатына түрлендіретін фотовольтаикалық элементтердің бірігуі ойластырылған. Сонымен қатар, сфераның жоғары жағында 2 жел генераторы орнатылған.

Жалпы, Көрме аумағында Амфитеатр да жұмыс істейді. Негізгі ойын-сауық алаңының сыйымдылығы 6 мың адамға шақталған. Коммерциялық, та­­қырыптық, халықаралық павиль­ондар да толықтай жа­сақталған. Үздік тәжірибелер аймағы да «ЭКСПО-ның» маз­мұнын байыта түсері сөзсіз.

Жуырда Көрме аумағына арнайы барып, көзбен көріп қайттық. Ұйымдастырушы ке­ңсесі мен Медиаорталықта да қауырт тіршілік жүріп жатыр.

Қуаныш АМАНҚҰЛОВ

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button