«Мереке мәнін ашатын ақпараттық кеңістік құру қажет»

«Қазір барлық ақпарат әлеуметтік желілер арқылы тез тарайтынын бәріміз білеміз. Сондықтан, жастарды тарту және осы мерекеде бірыңғай ақпараттық кеңістік құру үшін әлеуметтік желілерді белсенді пайдалануымыз керек.

Қазақстан тарихындағы негізгі оқиғаларға арнайы режиссерді тарта отырып, қалалық квесттерді ұйымдастыру қажет. Қатысушылар жұмбақтарды шешу және ол тапсырмаларды орындау арқылы өз елдері туралы көбірек біле алады.

Форумдарды жиі өткізсе, игі. Өйткені, ашық ойлы жастар өзекті мәселелерді талқылап, бірлескен шешімдер әзірлей алады. Сондай-ақ, еліміз туралы патриоттық фильмдер мен деректі картиналардың кино көрсетілімдерін өткізуге болады.

Ұлттық кәдесыйлар дайындау, дәстүрлі тағамдар дайындау және халық шығармашылығының басқа да түрлері бойынша шеберлік сыныптарын ұйымдастыру да өз кезегінде маңызды.

Жастарға ұрпақ сабақтастығының маңыздылығын көрсету үшін спорт және еңбек ардагерлерін спорттық іс-шараларға тартқан жөн деп есептейміз.

Волонтерлердің басшысы ретінде қала көшелерін абаттандыруға, ардагерлер мен халықтың әлеуметтік қорғалмаған топтарына көмек көрсетуге бағытталған ауқымды волонтерлік марафонды іске қосуды ұсынсам деймін. Бұл жастарға өздерінің маңыздылығын және ортақ іске қатыстылығын сезінуге мүмкіндік береді».

Ардана МЫРЗАНОВА,
Қарағанды облысы фронт-офис волонтерлер жетекшісі.