Мереке күндері ХҚКО қалай жұмыс істейді?
«Азаматтарға арналған үкімет» мәліметінше, 14 желтоқсанда, сенбі күні кезекші орталықтар 09:00-ден 13:00-ге дейін ашық болады.
16 желтоқсан күні Тәуелсіздік күні мерекесіне байланысты, дүйсенбі күні ХҚКО мен мамандандырылған ХҚКО жұмыс істемейді.
17 желтоқсанда, сейсенбі күні ХҚКО мен мамандандырылған ХҚКО қалыпты режимде жұмысын қайта бастайды. Мемлекеттік корпорацияның еске салуынша, орталықтар жұмыс күндері сағат 09:00-ден 18:00-ге дейін қызмет көрсетеді. Кезекші ХҚКО жұмыс күндері сағат 20:00-ге дейін, ал сенбі күні сағат 13:00-де жабылады.
Мамандандырылған кезекші ХҚКО азаматтарды дүйсенбіден жұмаға дейін сағат 18:00-ге дейін қабылдайды, ал дайын құжаттарды беру сағат 20:00-ге дейін жалғасады. Сенбі күні жұмыс 13:00-де аяқталады.
Жаңа жыл мерекесінің демалыс күндері мамандандырылған ХҚКО-лардың қалай жұмыс істейтіні әзірге белгісіз.
Материалды әзірлеген Аида РАХЫМҚҰЛОВА
