Мемлекет басшысы: Экономикадағы теңсіздіктер туралы білеміз, оны жұрттан жасыратын ойымыз жоқ

Мемлекет басшысы Қасым-Жомарт Тоқаев атап өткендей, экономикадағы теңсіздіктерді жасырмай, оны ашық мойындап, жүйелі түрде шешу – басты міндет. Қазіргі таңда ел экономикасының тұрақты өсуі мен халықтың табысын арттыру үшін нақты жоспар жүзеге асырылуда.

Соңғы 4 жылда Қазақстан экономикасы орта есеппен 3,8% деңгейінде өсім көрсетті. Алайда табыс айырмашылығы әлі де сақталуда. Ресми дерекке сәйкес, халықтың ең жоғары табысты 10%-ы мен ең төменгі табысты 10%-ының арасындағы айырма шамамен 6 есеге жетеді.

Осыған байланысты Үкімет 2025 жылға дейін шағын және орта бизнестің ІЖӨ-дегі үлесін 40%-ға жеткізуді көздеп отыр. Қазір бұл көрсеткіш 36% шамасында. Сонымен қатар 2 млн-нан астам азаматты қамтитын жаңа жұмыспен қамту бағдарламалары іске асуда.

Өңірлер арасындағы теңсіздікті азайту үшін инфрақұрылымға бөлінетін қаржы көлемі 2024–2026 жылдары 1,5 трлн теңгеден асады. Ал әлеуметтік төлемдер мен жалақыны индекстеу арқылы халық табысын орта есеппен 15–20% арттыру жоспарланған.

Аяулым СОВЕТ
Ortalyq.kz