Мектептер ахуалы – назарда
Биыл Бұқар жырау ауданындағы білім беру мекемелерінің қажетіне 46,2 млн. теңге жұмсалмақ. Бұл қаржыға бірқатар мектептердегі қазандықтар жөнделіп, техникалық база нығайтылады.
Нақты айтқанда, 12,8 млн. теңгеге Ленин атындағы мектепке қазандық орнатылады. Гагарин атындағы орта мектептің қазандығындағы жөндеу жұмыстарына – 2 млн. теңге, Сәтбаев атындағы, Ростовка, Белағаш мектептеріндегі интернаттарды техникалық жабдықтармен қамтамасыз етуге – 2 млн. теңге қарастырылған.
Сондай-ақ, Бұқар жырау орта мектебінің 2-3 қабаттарында жылу жүйесін қайта құруға 1,2 млн. теңге бөлу жоспарлануда. Бұдан бөлек, 10 мектепте күрделі жөндеу жүргізуге және жөндеу жұмыстарының жобалық-сметалық құжаттамасын құруға – 8,3 млн. теңге бағытталмақ.
Өз тілшімізден.
БҰҚАР ЖЫРАУ ауданы.