Мейрамбек Беспаев: «Ұлы Дала баласы деп Димашты ғана айтсақ дұрыс болады»
Белгілі әнші Мейрамбек Беспаев «Facebook» парақшасында Димаш Құдайберген жайында ерекше жазба жариялады. Онда ол Димаштың отбасын, адамгершілігін, өнерін ерекше бағалайтынын айтқан.
«Қазақ әншілері арасында халық екі адамды жақсы көрсе соның бірі – Димаш, бірі – өзім десем артық айтқаным емес. Қанат пен Света жақсы ұл-қыз тәрбиелеп қазақтың тектілігін күллі әлемге паш етті.Димаштың бойында тәккәпарлық жоқ, өз орнын айтар сөзін білетін жігіт…
Қазақта тұңғыш баласын ата-әжесі бауырына бекер салмайды.
Димаштың текті ұрпақ болып қалыптасуы осының нәтижесі.Димаш ең бақытты отбасында дүниеге келген. Әлемдегі ең бақытты адам, оған қызыға да қызғана да қарауға болады. Сөзімді жақсы жағынан түсінерсіздер.
Мен Димаш інімді қолдаймын, жақсы көремін. Ұлы дала баласы деп Димашты ғана айтсақ дұрыс, — деп жазды әнші.
Материалды әзірлеген: І.ДҮНГЕНБАЙҰЛЫ
