Мейрам күндері ХҚКО мен мамандандырылған ХҚКО-лар қалай жұмыс істейді?
Наурыз айындағы мереке күндері халыққа қызмет көрсету орталықтары мен Қазақстанның мамандандырылған ХҚКО-лары мереке күндері қалай жұмыс істейтінін «Азаматтарға арналған үкіметтің» баспасөз қызметі хабарлады.
8 наурызды мерекелеуге байланысты Қазақстанның ХҚКО-лары мен мамандандырылған ХҚКО-лары бұл күні жұмыс істемейді.
– Наурыз мерекесінде, яғни 21-25 наурыз аралығында да орталықтар азаматтарды қабылдамайды. Дегенмен, кезекші орталықтар сенбіде, яғни 9 наурыз күні және 25 наурыз күні сағат 13:00-ге дейін жұмыс істейтінін хабарлаймыз. Халыққа қызмет көрсету орталықтары 26 наурыздан бастап әдеттегі жұмыс режиміне оралады, – деп хабарлады «Азаматтарға арналған үкімет» мемлекеттік корпорациясы» КЕАҚ.
Естеріңізге сала кетсек, ХҚКО-лар дүйсенбіден жұмаға дейін сағат 9.00-ден 18.00-ге дейін, кезекші орталықтар – жұмыс күндері 20.00-ге дейін, сенбі күндері 13.00-ге дейін жұмыс істейді.
Кезекші орталықтардың мекенжайларын Мемлекеттік корпорацияның Instagram желісіндегі ресми парақшасынан, сондай-ақ, 1414 телефоны арқылы білуге болады.
Аида РАХЫМҚҰЛОВА,
Ortalyq.kz
