Мүмкіндігі шектеулі жандардың жағдайы – басты назарда

Аймақ басшысы Жеңіс Қасымбек халықпен есептік кездесуінде мүмкіндігі шектеулі жандардың мәселесін де назардан тыс қалдырмады.

– Қоғамдық көліктерде жол жүру мүмкіндігі шектеулі жандарға ыңғайлы болу үшін жағдай жасауға күш салудамыз. Олардың арасындағы көзі толық көрмейтін тұрғындар да бар. Олар қандай көліктің келгенін аялдамада тұрғанда білуі үшін арнайы хабарлау құрылғысын орнату мәселесін автопарк иелерімен ақылдасамыз. Ал, оларды карантинге байланысты ноутбук, планшеттермен қамтамасыз ету – өзекті мәселе. Мұны бірден шешу оңай емес. Олар жол жүру билетіне 50 теңге қосымша ақы төлейді. Бұл мәселені шешу жолдары қарастырылуда, – деді Жеңіс Махмұдұлы.