Жаңалықтар

Мұқағали оқуларының облыстық кезеңі өтті

 «Сарыарқа дарыны» балаларға қосымша білім беру аймақтық ғылыми-практикалық орталығы» КММ ұйымдастыруымен «№19 жалпы білім беретін мектебі» КММ базасында 7-11 (12) сынып оқушылары арасында республикалық Мұқағали Мақатаев оқулары байқауының  облыстық  кезеңі өтті.

Сурет пен видео: ұйымдастырушылардан

Оқушылар арасында Мұқағали ақынның шығармаларын насихаттау, оқушылардың поэзияға деген құштарлығын арттыру мақсатында өткен байқауға аудандық, қалалық кезеңінің жеңімпаздары және мамандандырылған мектеп-лицей-интернаттарынан барлығы 35 оқушы қатысты.

Байқау 3 бағыт бойынша өтті. «Айтып өткен ақында арман бар ма?» номинациясында үміткерлер Мұқағали өлеңдерін мәнерлеп оқыса, «Жыр эстафетасы» номинациясында қатысушылар ақынның поэмаларын жатқа айтудан сынға түсті. «Көкірегімде жыр сәулесі маздайды»  бағытында оқушылар қазылар талқысына өз шығармашылығын ұсынды.

Аймағымызға белгілі тұлғалардан құралған қазылар алқасының шешімімен әр номинациялар бойынша жеңімпаздар анықталды.

«Айтып өткен ақында арман бар ма?» номинациясында І орынды Бақытбек Гаухар иеленсе («Жамбыл атындағы мамандандырылған мектеп-лицей-интернаты» КММ),  жүлделі ІІ орындарды Асылболат Ақжол, («Әлихан Бөкейхан атындағы тірек мектебі»), Аманбай Ерасыл («Ы.Алтынсарин атындағы жалпы білім беретін мектебі» КММ) өзара бөлісті. ІІІ орындармен  Кәрібек Жеңіс («Әлихан Бөкейхан атындағы №15 мектеп-лицейі» КММ (Балқаш қ.),  Рымқұл Арайлым, («№32 жалпы білім беретін мектебі» КММ), Қапият Мәдениет, («Сарыобалы ауылының №34 негізгі орта мектебі» КММ (Қарқаралы ауданы) марапатталды.

«Жыр эстафетасы» бағытында І орынды  Наурызбаева Алина («№61 жалпы білім беретін мектебі» КММ) жеңіп алды. Екінші орынға лайықты үміткер болмады. ІІІ  орынмен  Кувандикова Акнур «№7 мектеп-интернаты» КММ (Саран қ.) марапатталды.

«Көкірегімде жыр сәулесі маздайды» айдарында  жүлделі І орынды   Изат Нұрғасыр («№61 жалпы білім беретін мектебі» КММ) қанжығасына байлады.  ІІ орындармен  Шыңғысбай Салидат («№1 жалпы білім беретін мектебі» КММ (Приозерск қ.), Аханова Айым («№5 жалпы білім беретін мектебі» КММ (Балқаш қ.) марапатталды. ІІІ орындар  Болат Айжан («Қаныш Сәтбаев атындағы тірек мектебі (РО)» КММ (Осакаров ауданы), Жақанов Нұрасыл («Бұрма жалпы білім беретін мектебі» КММ (Шет ауданы), Наурызбай Игіліктің («Жамбыл атындағы мамандандырылған мектеп-лицей-интернаты» КММ) еншісіне бұйырды.

Ілияс ДҮНГЕНБАЙҰЛЫ.

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button