Ұлттық құрама сапынан ЕУРО-2024 іріктеу кезеңінде кімдер ойнайды?
Футболдан Қазақстан құрамасының бас бапкері Магомед Адиев 2024 жылғы Еуропа Чемпионатының іріктеу кезеңі аясында өтетін Сан-Марино және Солтүстік Ирландияға қарсы ойнайтын ойыншылар тізімін жариялады. Бұл қатарда «Шахтер» клубының қақпашысы Игорь Шацкий да бар.
Ұлттық құрама жігіттері 9 маусымда Алматыда оқу-жаттығу жиынын бастайды.
Қазақстан құрамасы маусым айында 2024 жылғы Еуропа чемпионатының іріктеу кезеңінде сырт алаңда екі матч өткізеді. 16 маусым күні Магомед Адиевтің командасы Сан-Мариномен Италияның Парма қаласында кездеседі. Ойын «Эннио Тардини» стадионында елорда уақытымен 00:45-те басталады.
Үш күннен кейін біздің құрама Солтүстік Ирландиямен ойнайды. Кездесудің басталуы Астана уақытымен 00:45-ке жоспарланған. Матч Белфаст қаласы, «Уиндзор Парк» стадионында өтеді.
Ербол ЕРБОЛАТ,
Ortalyq.kz
