Ұлттық музейде Димаштың шығармашылығына арналған көрме ашылды

Әлемге әйгілі қазақстандық әнші Димаш Құдайбергеннің бала кезде жатқан бесігі мұражайға қойылды, – деп хабарлайды ortalyq.kz Aikyn.kz. сайтына сілтеме жасап.

Бұл туралы журналист Бауыржан Бабажанұлы Facebook парақшасында жазды.

– Құдайберген аға мына бесікті 1970 жылы Қанат Айтбаев дүниеге келгенде арнайы жасатыпты. Кейін Димаш та осы бесікке бөленген. Әкелі-балалы екеуі ғана емес, осы әулеттің 22 адамын тербеген құтты бесік бұл! Бүгін Ұлттық музейде Димаштың шығармашылығына арналған көрме ашылды. Көрмеге келген жұртта есеп жоқ. Көбі шетелдіктер. Олар біздің ұлдың әрбір басқан қадамына үңіліп жатыр. Көрме 6 қазанға дейін созылады. Келіңіздер, көріңіздер!, – деп жазды ол.

Материалды әзірлеген: Ілияс ДҮНГЕНБАЙҰЛЫ.