Әлем чемпионы Аида Әбікееваға темір тұлпар тарту етті

Бокстан әйелдер арасында Қарағандыдан шыққан тұңғыш әлем чемпионы Аида Әбікееваға Қарағанды облыстық Бокс федерациясы автокөлік мінгізді. Бұл туралы өңірдегі федерация хабарлады.

– Қарағанды облысының бокс федерациясы атынан Камалутин Халиков әлем чемпионы Аида Әбікееваға тамаша сыйлық – жаңа автокөліктің кілтін табыстады. Бұл – оның ерен еңбегі, жігері мен табандылығы үшін лайықты марапат. Аиданың бұл жетістігіне шын жүректен қуанып, Қазақстанды әлемдік аренада лайықты танытып жүрген дарынды спортшымызбен мақтанамыз. Бұл жеңіс – үлкен жолдың бастауы ғана болсын, алдағы мақсат – Олимпиада алтыны болғай!, – деп жазылған хабарламада.

Ілияс ДҮНГЕНБАЙҰЛЫ.