Лайықты марапатыңызбен!
Республика күні қарсаңында күзгі қаланы аралап жүріп Жәнібек Байғабеловпен күтпеген жерден кездесіп қалдық. Мен бұл кездесуге бір жағынан таң қалсам, екінші жағынан өте қуандым. Себебі Kazakhmys Smelting Бас директоры болып тағайындалғаннан бері Жәнібек Алтынбекұлы – қаламызда сирек кездесетін қонақ. Ол Балқаш пен Жезқазғанда мыс балқыту зауыттарын дамытуға көп уақыт бөледі.
Бірнеше жыл бұрын мен Жәнібек Алтынбекұлымен Қарағанды құю-машина жасау зауытының трансформациясын жандандыру жолында ынтымақтасуға мүмкіндік алдым. 2019-2022 жылдар аралығында КЛМЗ-дағы өзгерістердің ауқымы айтуға тұрарлықтай болды! Жәнібек Алтынбекұлының өршілдігі мен энергиясы бізге де әсер етіп, командамызбен бірге 3 жылдан бері табысты жұмыс істеп келе жатқан «LLK GROUP» PR-агенттігін құрдық.
– Лариса, Сізді көргеніме қуаныштымын! Жәнібек Алтынбекұлы мені әдеттегідей қуанышпен қарсы алды. Мен күзгі Қарағандыны қалай сағынғанымды білсеңіз ғой! Облыстық әкімдікке жиынға келіп, қаламызды аралап, отырғызған ағаштарымызды көріп кетуді жөн көрдім.
Шынында да, КЛМЗ басшылығы кезінде емен, терек, көктерек, алма, қарағай сияқты көптеген ағаштарды отырғызды. Зауыт өзінің омартасы мен жасыл желекке бөленген аумағы бар әдемі бақшаға айналды.
– Қарағандыға қандай жұмыспен келдіңіз? – деп сұрадым.
– Бүгін мені марапаттады, – деді Жәнібек Алтынбекұлы жымиып.
Жәнібек Алтынбекұлы – қандай марапат алса да, оны әрқашан ұжымдық жетістік деп санайтын адам. Оның қарапайымдылығын және мемлекеттік немесе ведомстволық наградаларды алуға құштар емес екендігін білсем де, қандай марапат алғаны туралы сұрадым.
Бұл жолы ол меценаттық және қайырымдылық қызметі үшін «Жомарт жан» төсбелгісін алыпты. Жәнібек Алтынбекұлының жеке қасиеттерін облыс басшылығы жоғары бағалаған екен.
Мен марапатымен құттықтап, «меценат болу қалай?» деп сұрадым.
– Алла Тағала бізге неғұрлым көп мүмкіндік берсе, соғұрлым өзімізге жауапкершілікпен қарап, екі есе талапшыл болуымыз керек. Ұжымымыз үшін көбірек жұмыс істеу, қоғамның игілігі үшін қызмет жасау – Корпорациямыздың басымдықтарының бірі. Мен бақыттымын, өйткені ол менің жеке принциптеріме де сәйкес келеді, – деді Жәнібек Алтынбекұлы қоштасып.
Лариса ЧЕН.
