Үкімет өкілеттігі тоқтады

Мемлекет басшысы Қасым-Жомарт ТОҚАЕВ еліміздегі әлеуметтік-экономикалық жағдайға қатысты кеңес өткізді. Президент кеңеске қатысушыларға Премьер-Министр Асқар МАМИННІҢ қызметтен босату жөнінде өтініш бергенін айтты. Бұл туралы Президенттің баспасөз қызметі хабарлады.


Мемлекет басшысы Асқар Маминнің өтінішін қабылдады. ҚР Конституциясына сәйкес Премьер-Министрдің қызметтен босатылуы бүкіл Үкіметтің өкілеттігін тоқтатқанын білдіреді. Үкімет мүшелері жаңа құрам жасақталғанша, өз міндеттерін атқара береді. Премьер-Министрдің міндетін атқару Әлихан Смайыловқа жүктелді.
Қасым-Жомарт Тоқаев өз сөзінде инфляцияға жол бермеу атқарушы биліктің басты міндеттерінің бірі екенін, бірақ оның орындалмағанын айтты.
Бұл ел Үкіметінің келесі құрамының және министрлер кабинетінің жаңа басшысының ең басты міндеті болады, – деді Президент.