Кеншілер мәдениет сарайы қарағандылықтарды Наурыз мерекесіне шақырады!

Ертең, 21 наурыз Кеншілер мәдениет сарайының алдындағы алаңда сағат 12.00-ден бастап Наурыз мерекесі өтеді. Ең алдымен, іс-шара қонақтарын концерттік бағдарлама, қолөнермен айналысатын қарағандылық шеберлер көрмесі және ойындар күтеді.

Мұнда Кеншілер мәдениет сарайының көркемөнерпаздар ұжымы – балалар да, ересектер де өнер көрсетеді. Тілек білдірушілер арқан тарту, қой көтеру, сондай-ақ кір тасын көтеру бойынша өздерін сынай алады. Жеңімпаздар үшін жүлделер қоры қарастырылған: қой көтеру сайысы бойынша ең мықты ойыншы қошқар алады, сонымен қатар аспаздық жүлделер де қарастырылған.

МҮ ұлттық ойындарға қатысуға тіркелу +7-702-164-81-87 және +7-707-121-83-99 нөмірлері бойынша сағат 10.30-да басталатынын хабарлайды.

Аида РАХЫМҚҰЛОВА,

ortalyq.kz