Күн суытады

«Қазгидромет» синоптиктерінің хабарлауынша, 30 тамыз – 2 қыркүйек аралығында ел аумағына батыс антициклоны жылжи бастайды. Ол Қазақстанның басым бөлігінде ауа температурасының айтарлықтай төмендеуіне әкеледі.

Елдің солтүстігінде ауа температурасы +12…+17 градус, шығысында да +12…+17 градус болады.

Орталық аймақтарда +15…+20 градус күтіледі.

Оңтүстікте +23…+28 градус болады.

Оңтүстік-батыста ауа температурасы +25…+30 градус шамасында сақталады.

Батыста ауа температурасы біртіндеп көтеріледі: +27…+32 градустан қатты ыстық +32…+37 градусқа дейін жетеді.

Материалды әзірлеген Аида РАХЫМҚҰЛОВА