«Көмек-2020» облыстық қоғамдық қорына қанша қаражат жиналды?

«Көмек-2020» облыстық қоғамдық қорына 270 млн теңге түсті. Жарналарды YDD Corporation, QazCarbon, «Қазақмыс» корпорациясы, «Қарағанды Энергоцентр» ЖШС, Құрылыс және жол компаниялары және басқа да кәсіпорындардың еңбек ұжымдары жасады. Сондай-ақ, облыстық мемлекеттік мекемелердің қызметшілері де бір күндік жалақыларын аударған. 

Қорға Тауарлар мен қызметтердің сапасы мен қауіпсіздігін бақылау департаменті (СЭС) және Денсаулық сақтау басқармасы жүгінді. Олардың өтінімдері бойынша 104 млн теңге жұмсалды. Аталмыш қаражат дезинфекция үшін жабдықтар, дәрі-дәрмектер, сондай-ақ дәрігерлер үшін жеке қорғану құралдарын сатып алуға жұмсалды.
«СЭҚ үшін 254 аспалы бүріккіш сатып алынды. Оның 56 данасы Қарағандыда пайдаланылуда. Қалғандары аймақтар бойынша бөлінеді», – деп хабарлады Қорда.

Естеріңізге сала кетейік, Қарағандыда коронавирустың таралуымен күресу үшін «Көмек-2020» облыстық қоғамдық қоры құрылған болатын. Қаражатты жұмсауды Қамқоршылық кеңес жүзеге асырады. Оның құрамына  медицина ғылымдарының докторы, профессор, ҚР Мемлекеттік сыйлығының иегері Қани Мұсұлманбеков, Қарағанды облысы әкімінің “Рухани жағыру” бағдарламасын жүзеге асыру жөніндегі кеңесшісі, Қазақстан халқы Ассамблеясының мүшесі, облыстық мәслихат депутаты Бекзат Алтынбеков, «Қарағанды медицина университеті» КЕАҚ ректорының кеңесшісі, Қазақстан халқы Ассамблеясының ғылыми-сараптамалық тобының мүшесі Вилен Молотов-Лучанский, ҚР еңбек сіңірген өнер қайраткері, ҚР Жазушылар Одағының мүшесі Серік Ақсұңқарылы, ҚР еңбек сіңірген жаттықтырушысы, спорт саласының Құрметті қайраткері Валерий Громов кірді.

Кез келген адам өз үлесін қоса алады.
Деректер:
«Көмек-2020» қоғамдық қоры
БИН 200 340 023 764
Кбе 18
Индекс 100009
Қарағанды қ., С. Сейфуллин к-сі, ½ үй
ИИК KZ8896509F0007987318
БИК IRTYKZKA
Қарағанды қаласындағы «ForteBank» АҚ филиалы