Өңір инженерлерінің өнертабысы

Қарағандылық инженерлер 3D баспаға арналған әлемдегі алғашқы жасанды интеллект ассистентін ойлап тапты. Енді материалдар мен жабдықтарды таңдау, құрастыру жүйесіне көмектесу және соңғы өнімді жылжытуды батырманы бір рет басу арқылы жасауға болады.

Данил және оның командасы

Данил Ращупкин 2006 жылы «KZ TRANSIT» ЖШС резеңке-техникалық бұйымдар және пластиктер шығаратын компания құрды. Үш жыл бұрын оның командасы жаңа бағытты – аддитивті технологияны қолдана отырып, өнеркәсіптік бөлшектерді шығаруды дамыта бастады. Осылайша олар «стартап ішінде» жаңа – Teleport 3D стартабын іске қосты. Ал идеяны қысқа мерзімде іске асыруға «Террикон алқабы» Қарағанды IT-хабының және бизнес жебеушілерінің инвестициялары, сондай-ақ, акселерациялық бағдарлама көмектесті.

3D-басып шығарумен жұмыс істей жүріп ол қызметкерлермен бірге инженерлерге тән көптеген мәселелерге тап болды. Олар – калибрленбеген принтер, бөлшектерді кесу кезіндегі қателер, нашар жабысқан пластик. Ал оларды шешу үшін форумдар, мақалалар және эксперименттерге көп уақыт жұмсау керек болды. Жинақталған тәжірибені басқа инженерлерге жүздеген сағатты үнемдеуге көмектесетін ақылды көмекшіге айналдыруға болатынын түсініп, 3D-басып шығаруға арналған АІ-ассистентін жасау идеясы пайда болды.

Ақылды Ника

АІ-технологиясының дамуын бақылай отырып, команда 3D-инженерлеріне арналған құралдармен бірге Teleport3D.com бұлттық платформасын әзірледі. Олардың ішіндегі бастысы – Ника 3D-модельдеу және басып шығару үшін әлемдегі алғашқы мамандандырылған AI-ассистенті.
Ника 3D-модельдеу және басып шығару бойынша сұрақтарға жауап береді. Пайдаланушы тапсырмаларына материалдар мен жабдықтарды таңдайды. Принтерді құрастырып, калибрлеу және жөндеу бойынша ұсыныстар және дайын өнімдерді жылжыту бойынша кеңес береді.

Инженерлердің көмекшісі

Ника іске қосылған сәттен бастап ондаған инженерлерге, дизайнерлерге және студенттерге күнделікті мәселелерді шешуден бастап жобаларды толық қолдауға дейін көмектесе алды. Пайдаланушылардың бірі – Алматыдан келген 23 жастағы инженер-тағылымдамашы Артем.
Ника туралы білгеннен кейін Артем оған «Тістергішті қалай дұрыс модельдеу керек? Бюджет шеңберінде қандай 3D-принтерді таңдаған дұрыс? Тістергіш бітеліп қалса не істеу керек?», – деген сауалдар қойды. Ассистент толықтай ұсыныстар беріп, мәселелерді шешуге көмектесті. Нәтижесінде Артем жұмыс бөлігін сәтті аяқтады. Мұның бәрі аз бюджетпен және өте қысқа мерзімде жасалды.

– Ника болмаған жағдайда мен форумдардан бірнеше апта бойы ақпарат іздеп, түрлі бейнелерді көріп, соқыр болатындай жағдайда болар едім. Ника тәжірибелі әріптес сияқты, – деп атап өтті Артем.

Аяулым СОВЕТ,
«Ortalyq Qazaqstan»
Сурет облыс әкімдігінің сайтынан