Ферроқорытпа зауытында зардап шеккен жұмысшылардың бірі көз жұмды

Ферроқорытпа зауытында оқыс оқиға кезінде зардап шеккен қызметкерлердің бірі алған жарақаттардың салдарынан қайтыс болды.

Бұл туралы Қарағанды облысының Денсаулық сақтау басқармасы мәлімдеді.

– Дәрігерлердің салған барлық күш-жігеріне қарамастан, Қарағанды ферроқорытпа зауытында зардап шеккен қызметкерлердің бірін өлім аузынан арашалап қалу мүмкін болмады. 1993 жылы туған ер адамның денесін 85% терең күйік шалған. Осы уақытқа дейін бұл науқас өте ауыр жағдайда болып, бүгін қайтыс болды, – делінген хабарламада.

Қалған зардап шеккен 5 адамның жағдайы әлі де өте ауыр. 2 адам жансақтау бөлімінде жатыр.

Аида РАХЫМҚҰЛОВА,

ortalyq.kz