Жаңалықтар

Ержан Имаш «Қазақстанның құрметті журналисі» атанды

Саналы ғұмыры қасиетті қарашаңырақ – «Ortalyq Qazaqstan» газетінің тағдыр-талайымен егіз өрбіген ардагер қаламгер, ақын әрі тәжірибелі журналист Ержан Имаштың бұқаралық ақпарат кеңістігіндегі өлшеусіз еңбегі лайықты бағаланды. Әріптесіміз «Қазақстанның құрметті журналисі» атағына ие болды.

Сурет Ержан Имаштың жеке мұрағатынан

Қазақстан Журналистер одағы Қарағанды облыстық филиалының төрағасы Жәнібек Садықанов Қазақстан Журналистер одағының төрағасы Сейітқазы Матаевтың шешімімен Ержан Мәзұлына мәртебелі марапат – «Қазақстанның құрметті журналисі» төсбелгісін табыстады. Атаулы марапат қаламгердің ұзақ жылдық адал қызметіне, журналистік миссияға деген берік ұстанымына берілген лайықты баға. Осы мерейлі сәтте «Ortalyq Qazaqstan» газетінің шығармашылық ұжымы Ержан Мәзұлын бағасы биік марапатымен құттықтап, ендігі қызмет жолына шығармашылық тұрғыда толайым табыс тілейді.

Өз тілшімізден

Басқа материалдар

Back to top button