Ер адам мен екі бала тірідей өртеніп кете жаздады

Екі бала мен олардың әкесі өрт  шыққан көліктің ішінде қамалып қалып, күйікпен Теміртау орталық ауруханасына жеткізілді.  Оқиға Теміртау маңындағы Ақтау кентінде болған.

– Қысқа тұйықталу салдарынан өрт шыққан көліктің есіктері құлыпталып, әкесі мен балалары ішке қамалып қалған. Жан түршігерлік оқиғадан кейін Теміртау орталық ауруханасына 2020 және 2022 жылдары туған балалар күйікпен жеткізілді, – деді  Қарағанды облысы ТЖД баспасөз қызметі.

Кейіннен  балалар облыстық балалар ауруханасына ауыстырылған. Олардың жағдайы  ауыр. Екеуінің де беттері мен денелерін күйік шалған.              

– Балалар дереу реанимация бөліміне орналастырылды.  Күйік шалған беттеріне алғашқы хирургиялық өңдеу жүргізілді. Инфузиялық және бактерияға қарсы терапия жүргізіледі, – деп хабарлады облыстық балалар ауруханасының мамандары.

Ілияс ДҮНГЕНБАЙҰЛЫ.