Енді жеке куәлікті онлайн жаңартуға болады

Ішкі істер министрлігі мен Цифрлық даму министрлігінің бірлескен бұйрығымен жеке куәлікті онлайн жаңартуға арналған жаңа қызмет іске қосылды.

Бұл – мемқызметтерді цифрландыруға бағытталған пилоттық жоба.

Қызмет қашан қолжетімді?

Жаңа куәлікті онлайн тапсырыс беруге екі жағдайда рұқсат етіледі:

1. Құжаттың жарамдылық мерзімі аяқталуына 30 күннен аз уақыт қалса;
2. Жарамдылық мерзімі 10 күннен аспайтын уақыт бұрын өтіп кетсе.

Қалай өтінім беруге болады?

1. eGov.kz порталына немесе eGov Mobile қосымшасына кіріңіз;
2. Өтініш формасын толтырыңыз және ЭЦҚ-мен қол қойыңыз;
3. Сайт  талап ететін форматта өз фотосуретіңізді жүктеңіз;
4. Жүйе тіркеу деректерін және фотосуреттің сапасын автоматты түрде тексереді;
5. Мемлекеттік бажды онлайн төлеңіз;
6. Өтінім мақұлданған соң, дайын құжатты ең жақын ХҚКО-дан барып аласыз.

Пилоттық мерзім

 Қызмет 2026 жылдың 31 наурызына дейін пилоттық режимде жұмыс істейді. Жоба тиімділігін дәлелдесе, кейін бүкіл елде тұрақты негізде енгізілуі мүмкін.

Материалды әзірлеген: Ілияс ДҮНГЕНБАЙҰЛЫ.