Енді мектепте фастфуд сатылмайды

Министр Ақмарал Әлназарованың айтуынша, алдағы уақытта мектептерде фастфуд сатуға тиым салынады. Осы бағыттағы жұмыстарды жіті қолға алу мақсатында 2025 жылдың 1 қыркүйегінен бастап барлық мектепте жаңа Тамақтану стандарты енгізіледі.

Мектеп оқушыларының тамақтану деңгейін бағалау үшін алғаш рет “жеуге жарамсыздық индексі” қолданылады. Тәрелкеде қалған тамақ қалдықтарының көлемі есептеледі.

Алдағы уақытта оқушылар үшін қантты тұтыну 3,5 есе азаяды. Ал, тұз мөлшері 2-5 есеге дейін қысқарады.
Тамақ құрамындағы көкөністер, жемістер мен сүт өнімдері көбейтіледі.

Биылдан бастап мектеп оқушысының тамақ мөлшерінен фастфуд өнімдері, яғни гамбургер, чебурек алынып тасталады. Сондай-ақ, шоколад батончиктері мен тәтті газдалған сусындарға тиым салынады. 

Аяулым СОВЕТ