Елімізде Starlink ресми түрде іске қосылды

Бүгіннен бастап Starlink компаниясы Қазақстан аумағында ресми түрде спутниктік интернет қызметін ұсына бастады. Бұл туралы Цифрлық даму, инновациялар және аэроғарыш өнеркәсібі министрлігі хабарлады.

Енді ел тұрғындары SpaceX-тің төмен орбиталы спутниктері арқылы жоғары жылдамдықты және тұрақты интернетке қосыла алады. Starlink шалғай және қолжетімділігі қиын өңірлерге де интернет жеткізіп, заманауи цифрлық сервистерді пайдалануға мүмкіндік береді.

Материалды әзірлеген Аида РАХЫМҚҰЛОВА