Елімізде карантиндік шаралар жеңілдетіледі

2021 жылдың 28 тамызынан бастап рұқсат етіледі:

• «ASHYQ» жобасы бар барлық бизнес объектілері демалыс күндері 24:00-ге дейін жұмыс істейді. ASHYQ қосымшасы арқылы расталған қызметкерлер мен келушілердің «жасыл мәртебесі»  (вакцина алғандар, 7 күннен кем емес теріс нәтижелі ПТР тестінің болуы) болған жағдайда 02:00-ге дейін жұмыс жасайды;
• Сенбі күні қоғамдық көлік қызметіне рұқсат етіледі.

30 тамыздан бастап:

• «ASHYQ» жобасына қатысатын барлық бизнес объектілерінің жұмыс уақыты 22:00-ден 24:00-ге дейін, «ASHYQ» жобасы көшбасшыларының (ASHYQ қосымшасы арқылы расталған қызметкерлер мен келушілердің «жасыл мәртебесі» болған жағдайда) жұмыс уақыты 24:00-ден 02:00-ге дейін ұзартылады.

Бұл ретте эпидемиологиялық жағдайды ескере отырып, Алматы қаласында демалыс күндері карантиндік шаралардың жеңілдетілуін 4 қыркүйектен бастап енгізу жоспарда бар. Ал жұмыс күндері карантиндік шаралардың жеңілдетілуі 6 қыркүйектен басталады.