Елімізде ауа райына байланысты ескерту жарияланды

Төтенше жағдайлар министрлігі еліміздің 14 аймағында ауа райының күрт нашарлауына байланысты ескерту жариялады.

«Қазгидрометтің» хабарлауынша, оңтүстік пен оңтүстік-шығыста қатты жауын-шашын, көктайғақ және қалың тұман түседі. Жел екпіні секундына 15-28 метрге дейін күшейеді.

Батыс пен орталық аймақтарда ауа райы құбылмалы, қар аралас нөсер жауын мен қатты жел тұрмақ. Солтүстік пен шығыс өңірлерде бұрқасын мен көктайғақ болады деп күтіледі. Желдің жылдамдығы секундына 20-25 метрге дейін жетуі ықтимал.

ТЖМ дауылды ескерту жариялаған кезде, әсіресе қараңғы уақытта алыс жерлерге сапарға шығудан бас тартып, жаяу жүруден аулақ болуды ескертеді.

Материалды әзірлеген Аида РАХЫМҚҰЛОВА