Жаңалықтар
Елімізде 28 градусқа дейін аяз болады
Қазгидромет 22-24 қарашаға арналған ауа райы болжамын ұсынды.
Синоптиктердің мәліметінше, елімізде жел күшейіп, көктайғақ, тұман болады. Еліміздің солтүстігінде, шығысында және орталығында бұрқасын соғады.
«Түнде солтүстікте, шығыста және орталықта ауа температурасы 17-28 градусқа дейін төмендейді», – делінген Қазгидромет хабарламасында.
Алдағы күндері Қазақстанның басым бөлігінде жауын-шашын болуы мүмкін. Қазақстанның солтүстігінде, орталығында және шығысында қар жауады.
22-24 қарашада республиканың оңтүстік-шығысында қатты жауын-шашын болып, шығысында қалың қар жауады деп күтіледі.
Гүлнұр СЕРІКЖАНҚЫЗЫ